Irrationaalloho

Irrationaallovoh láá reaallovoh, moh iä lah rationaallovoh. Irrationaallovo ij pyevti oovdânpyehtiđ kyevti oleslovo koskâvuottân. Irrationaallovo uáivijiešvuotâ lii tot, ete ton desimaalhäämi lii robdâttem sehe pajettem. Tondiet irrationaallovo merkkejeh maŋgii jieijâs merháin, ovdâmerkkân $\pi$ (pii) já $e$ (Neper loho). Pii já Neper lovo lasseen irrationaallovoh láá ovdâmerkkân kollááš čuoppâm, maaŋgâi oleslovoi cuovkkâpotenseh (ovdâmerkkân $2^{\frac{1}{2}}=\sqrt{2}$), maaŋgah logaritmeh (ovdâmerkkân $\mathrm{l}\mathrm{o}{\mathrm{g}}_{\mathrm{3}}4$) sehe maaŋgah trigonometrisâš funktioi áárvuh (ovdâmerkkân $\sin 15^{\circ }$).